التكاليف المرتفعة للزواج هو سبب عزوف الشاب على الأرتباط
ــــــــــــــــــــــــــــــــــــــــــــــــــــــــــــ
موضوع العنوسة موضوع ذو ابعاد كثيره

مشكور لطرح الموضوع,,

التكاليف الباهرة

اكتبو ما يحلو لكم واذكروا الحلول المقرحه

دمتم بود اخي ماموون حبيتك


والشيخ مالك يسعد نظرك يا ابن عمي

قد تكون المشكلة المادية تشكل50% لمن المشكلة الحقيقية هي الخيارات الصعبة التي يبحث عنها كل عريس.

لذلك اقترح ان تسن الدولة قانونا للزواج يكون على أساس القرعة حيث ان كل شخص من الجنسين يصل عمره 22 يقدم طلبا للزواج ثم ينظر دوره ويقوم الكمبيوتر بختيار عشوائي لكل زوجين
وهذا يترتب عليه ان تقوم الدولة بتأمين السكن والراتب المناسب لمدة سنة (يعني مثل العقد في الخليج)
مشكور اشرف الله يسرك وحده زينة كونك حاسوب

بالنسبة النا سوقنا ماشي لانه الخليلي من حد ما ينولد واهله بصيروا يدكنوا بالفلوس عشان يزوجوا بدري قال شو بدهم يفرحوا فيه قبل ما يموتوا وبهيك لما يصير عمره 24سنه بيتزوج والخليلي بحب ياخد خليلية مش عشان اشي بس هيك العادات عنا ما بعرف ليش
يعنش لو حب وحدة تانية غير الخليلية بروح وبتزوج خليلية رح احكيلكم السبب
الخلايلة عاداتهم كتيرة ولازم كلها تتنفذ والا الله يعين العريس والعروس بتبدا ام العريس ليش هيك وليش هيك وهيك صح وهيك غلط فالشب بختصر الطريق على حاله وبتزوج خليلية
وهيك برضي حاله وبرضي اهله وعاداته طبعا مش كلهم بس الاغلبية
وعلى قولت المتل من طينة بلادك لط خدادك
هههههههههههههه

تحياتي مهندس اشرف

السلام عليكم ورحمة الله وبركاته..

موضوع حلو..

أنا لا أعتقد بل متأكده من أن...

أولاً: العزوف عن الزواج بالنسبه للشباب....

1- المهور مرتفعه جداً وبحس إنو الأب بيتّبع مبدأ.. اللي بيدفع أكتر هو اللي بيوخد البنت..
يعني صارت شغلة تجاره...

2- قلة الدين عامل مهم.. الشباب صاروا يوخدوا كل شي من البنات ببلاش.. ومش بحاجه لزواج لأنو كل واحد ما شاء الله عندو صاحبتين وثلاثة وأربعه.... عندو اكتفاء.. بل فائض.. فبيحكي بعقلة .. لويش أقل عقلي وأتزوّج ؟؟

3- عدم الثقه من كتر ما هالشباب شايفين من بنات هالأيام... والله معهم حق .. الواحد بطل يميز بين الخبيث والطيب..

هاد بالنسبه للشباب... هسّا بنروح للبنات...

ثانياً:... ارتفاع نسبة العنوسه بين البنات...

1- السبب الرئيسي هو البنات صاروا شايفات حالهم كتير .. والوحده منهم بتحكي أنا جامعيه ما باخد واحد مستواه التعليمي أقل مني...

2- البنات (الموظفات).. بتحرم نفسها من الزواج عشان الوظيفه.. أنا سمعت بأداني إنو في بنات بيحكو إحنا ما بنتزوّج عشان الوظيفه... وهدول غبيات...

3- البنات صاروا بيتفتخروا إنهم بيتقدّملهم عريس وبتتفنن برفضه... وهذا قمة الغباء...

4- الآباء يرفعون المهور مثلما قلت سابقاً وهذا يؤثر على الفتاه وتقليل فرص الزواج لها..

5- والأهم... والله صاروا البنات يبتعدوا عن الزواج لأنو جيل هالأيام من الشباب أغلبهم ما بيتحمَّلوا مسؤولية .. يعني بالعاميه (عيال)... بنشوف الواحد عمر صار فوق ال 25 وكإنه طفل.. والوحده بدها رجل يحافظ عليها ويحميها.. مش منظر وبس..

ـــــــــــــــــــــــــــــــــــــــــــــــــــــــــــــــــــ

في النهايه .. أنا متأسفه على الإطاله وأنا ما عممت عالجميع ... هذا موضوع للنقاش...

وأقول أيضاً: ... من أتاكم من ترضون دينه وخلقه فزوجوه...

ويا ريت الأهل يخففوا المهور شوي.. لأنه أقلهن مهراً أكثرهن بركه..

والسلام عليكم..

أشكرك أخي أشرف..

شو هاي الاقترحات .... سحاب .

اقتراح حلو بس انت نفذت من الموضوع بدك تظلم الشباب االي ما تزوجو

انا برائي الماده شيء ثانوي .... ؟

هل من اسباب اخرى

يخوك اليوم سوق الموضفات ماشي لآن الشب يدور وحدة تساعدة على تكاليف الحياة الصعبة وشعار الشباب بها الايام بدة وحدة راتبها اكثر من ميتين وتروح عالبيت الساعة ثنتين وابوها مش حاجز ولا حتى نكلين هههههه
اشكــــــــــرك

إممممممممممممممممم حلو الموضوع....

مع سحاب في ان المال أو العامل المادي بشكل ما نسبته 50% لكن الباقي يتوزع حول محاورررر أخرى

- البنت الي مكسور خاطرها من الحب و قرفانه جنس الرجال بدهاش تتجوز... فكرة مو ؟؟؟؟

- كمان البنات ... يعني مثلا صاحباتي بشوفوا أنو تحقيق الذات أشي أهم من الزواج الي ممكن إيحد من الأبداع و التطور في العمل ... و أنا شخصيا منهم ما بدي أتزوج غير بعد ما صير شي مهم بالحياة ....

- الغرورررررر ... يعني و لا شب بالدنيا عجب البنت و بكون الشروط تعجيزية...

- الخوف... أنا شخصيا بخاف اتجوز ليطلع جوزي مو امنيح ...!!!!!! يا لهوي

- إممممم ممكن الأهل بكونوا مو كويسين و ما برضو ايجوزو بنتهم لأي حد ... مو يعني اي حد بس في كتير ناس مناح تنرفض لأسباب تافهة....

- بالنسبة للشباب .... الله ايعينهم هما كمان و الله الجيزة مسؤولية ....


سلاماتي

صح ناصر ...

في منو هالحكي .... عجبتني الفكرة

أخي الكريم
لا شك أن الجانب المادي له أكبر الأثر والتأثير في مجتمعنا وفي زواجنا خاصة وأن أعراسنا صارت كلها مظاهر وكلها مفاخرة ومباهاه

تعرف يحكيلي أحد الأشخاص قال : لو تعرف شو أشترطت علي العروس
قلت: شو اللي بدها أياه؟
قال بدها السيارة يوم الحنا أبيض
ويوم الفارده خمري
ويوم القرى كحلي

فوصلت المباهاه إلى هذه الدرجة
فأقل عرس الأن لو أخذنا المتوسط الحسابي له من ذهب وبيت وأثاث ومستلزمات العرس وووووووو لا يقل عن 8 ألاف دينا فمن أين لنا ذلك

ويعتبر هناك أسباب أخرى لكنها ليست ذات أهمية كالمال

تحياتي لك

انا برايي ن الاسباب المادية هي اخر الاسباب اللي ممكن نفكر فيها

لكن اذواق الشباب صارت صعبة والله لي صديقات كثيرات على خلق وجميلات ومتعلمات وليس لديهن الشروط الصعبة للزواج لكن لا يوجد من طرق بابهن للاسف مابعرف ليييش؟؟؟؟

احد الاسباب المهمة التي لاحظتها هو.....كذب الشباب بصراحة كثير الشباب يخرطوا عالبنات والحزينات يصدقن ياويلي عليهن وتربط الوحدة حالها بهالشب لحتى يفوتها القطار وبعدين هات اقضب الشب وينه؟؟؟تبخر وخلص....انا اسفة يا شباب احترامي الكم

الله يهدي بناتنا وشبابنا

اخي اشرف
بدي احكيلك بصراحه سبب تاخر الزواج عند الطرفين
بالنسبه للبنت تتأخر علشان لازم تدرس جامعه لانو اذا ما درست ما حدا راح يطلع فيها
والشاب يظل يستنا بدور على وحده مخلصه جامعه وموظفه (تعيين مش اضافي)!!!!!
وانت عارف الدور في ديوان الخدمه ههههههههههه
هيك بيظلوا يستنوا لما يفوتهم قطار الزواج
الحل : من سيد البشريه صلى الله عليه وسلم
(اذا اتاكم من ترضون دينه وخلقه فزوجوه الا تفعلوا تكن فتنة وفساد عريض)
اشكرك جدا فطرحك هادف

عنوسة البنات..........دلع و زيادة غنج (يعني فلان طويل فلان قصير و بدها فلان بيشبه جورج كلوني شيخ العزاب أو فلان بيشبه ابو العز شيخ الشباب و هلم جراً ^_*)و بالآخر لا بتطول جورج كلوني و لا حتى العم غافل ههههه


عزوف الشباب عن الزواج

سببه ما بدهم يتحملوا مسؤوليه.......اتعودوا في بيوت اهاليهم أكل شرب نام و المصروف جاهز ليه يوجع راسه ^_* بالزواج


بس سؤال انجنيرو اشرف

ليه سميت ((عنوسة البنات)) و ((عزوف الشباب))..........بكلا الحالتين النتيجة هي واحده و هي عدم الزواج........^_*

اشكرك

اخوي الكريم
هذه افكار غربيه سيطرو بها على افكار ابنائنا وبناتنا ، واعتقد من اراد الحلال سيحده وفعلا يكون ميسر ، وهناك حالات نادرة للذي يطلب التكاليف العاليه للزواج وخصوصا اذا كان الشاب وضعه المادي بسيط والبنت عالي ، لكن من يختار من مستوى معيشته وهم كثر وبنات حلال كثار سيجد
الافكار كثيرة التي سيطرو بها على ابنائنا وبناتنا ( منها ) ان يعيش الشاب او البنت فترة بعد تخرجه من الجامعه او الزواج بعد سن ال 25 وغيرها وغيرها من افكار......الخ
وانا من الناس لو عندي ولد بلغ ال 18 ساقوم بتزويجه للا نني جربت فهو فعلا استقرار لمن اراد الاستقرار وسترة لمن اراد السترة وفيه فضائل كثيرة
والكلام كثير في هذا الموضوع لكن لن اطيل
كل الاحترام على هذا الموضوع المهم جدا جدا جدا

المقبل على الزواج الأن مثل المقبل على الانتحار
اشكرك اخي اشرف على موضوعك الحواري الهادف
الي اتجوز اتجوز واللي....راحت عليه ههههه

حلو الموضوع
كل شي نصيب اخوي ولكل حالة ظروفها الخاصة
يعني كل الي حكوا عنه اخواني وخواتي صحيح
والله يجوزك يا أشرف خلينا نخلص من مواضيعك ههههه
لا تزعل مني خيو مزحة صغيرة ان شاء الله تقبلها ومواضيعك راقية مثلك

سوريا.... لو صحلي جورج كلوني بووووووووووووووووووافق هههههههههههههههه و أنا بتكفل فيه من الألف للياء..... إيه كيف لعاد ههههههههي

أنا شخصيا عندي الكثير في هذا الموضوع وكان بحت لي

بس الصراحه مش راح أكتب شيء والسبب إنك يا خوي مش مكلف حالك وحاط ولو تعليق واحد على مواضيعنا

وبتعرف نحن حمايده إلي بيتطلع علينا بنص عين مستعدين نقلع أعيننا على شان ما بنشوه من مره.......هههههههههههههههههههه

الاخ البيرق :

بالبدايه مرورك على الموضوع ومشاهدته تكفيني فخرا
ثانيا الاح العزبز انني اعرف اني لا اكتب في التعليقات كثير لضروفي الخاصه
ثالثا : انا مو حاطط الموضوع علشان استفيد فقط انا لا بالعكس اريد الكل يناقش ويستفيد.

الاخ بيرق دمت بود واحترام

ان كتبت فهو رئيك وان لم تكتب اكن لك الاحترام والتقدير

راي العزوف عن الزواج مو مشكلته ماديا بالعكس احنا بالاردن ما عنا مغالاه بالمهور بس هو هروب الشباب عن تحمل المسؤليه

الشاب : مثل تحويش قرش كويس عند الغير المدعومين من قبل الاباء مثل شغل ليل نهار او الاوفر تايم والمدة اكيد رح تكون بعيدة للتحويش اي لا يقل عن خمس او ستة سنين والمهر التعجيزي عند بعض اهالي البنات و دورانه على البنت المناسبة خلق ودين ودراسة عند شباب عمان الشرقية او المحافضين بوجه خاص لانه شباب الغربية بدورو على الدراسة والحلاة في البنت واكيد عند بعض الشباب انهم بكونوى عايشين حياة frind girl فما بدهم يعيشو جو ( وين رايح ومن وين جاي ) بدهم يأجلو موضوع الزوجية كما يعتقدون ................
......................

البنات : على بين ما تخص دراستها الجامعية وبجوز تكون عايدة التوجيهي اربع خمس سنين
ووبعدين تستنا فارس الاحلام يسعدها ومش عارفة انو فارس الاحلام يمكن يطلع بعدين حاطم الاحلام وكل هذا من خلال اطلاعي على العنوسة ومن خلال وجه نضري انا
وفي الختام اتمنى حل مشاكل العنوسة عند كلا الجنسين
ومشكور على الموضوع
... تحياتي ...

أخي حمزه مرورك اسعدني .
لكن هي مشكله يعاني منها الشعب الاردني بشكل عام اتمنى زي ما حكيت تنحل المشاكل

نص التعليق

تابع التعليقات في هذا الموضوع.